Spruch zu 1.1 Spruch zu 6.1
   

Archiv 2013

2013: 200 Jahre Grimm-Märchen

Einzug

Goofe-Melodie: De Herr Jöhri (Linard Bardill), aber etwas verfälscht.

Mer sind d' Oberfläcke-Goofe
wänd lose was das Johr esch gloffe.
Mer sind d' Oberfläcke-Goofe
wänd lose was das Johr esch gloffe.

Es war einmal

Alle sitzen in Kreis ab und sind still und schauen zur Leiter hinauf. Brille, Perücke und Märlibuch ist auf der Leiter.
Ivö steht auf: Psscht!! Mer wänd jez Märli lose! (sitzt wieder ab)
Ivö: Wo esch dänn eusi Märlitante oder de Steigi? Send die ned do?
Chasch du läse? (zeigt auf jemandem vom Publikum)
Lueg do esch s'Buech. Fosch vorne ah.


Text zum lesen:
S'git Gschichte, die wot mer chum glaube, aber wänn sie eim gnueg mängisch verzellt worde send,so müends wohl wohr si, ond s'cha ned anderscht gsi si, als grad eso, wie sie scho d'Grossmuetter gwösst hät zom verzelle.


Schlei: Ich spel d'Grossmuetter!
Es sind mol zwoi Brüedere gsi, wo s'Läbelang Märli verzellt händ, gnau so wie d'Schwöschtere - halt eifach Brüedere.
Ivö: Ich ha di grimmige Märli gar ned so gern, chömer ned es anders verzelle?
Schlei: Es esch emol en Kaiser gsi, de hät ganz en huufe schöni Chleider gha. Aber er isch eitel gsi ond het noii Chleider welle. Er het die beschte italienische Designer agstellt, wo plagiert wänd, dass sie Chleider chönned mache, wommer nor gseht, wämer sis Amt met Würde treit und ned dumm isch.


Helge von Ivö 2013 - Sunrise Porno Promo

Sunrise Porno Promo Helge: Ivö

Melodie: Sexbomb (Tom Jones und Mousse T.)

Sun-rise, Sun-rise,
s'Schaufenster lauft heiss,
wenns mol öpis spannends git, muesch luege, wänns scho weisch.
Doch es esch jo
gar kein Porno gsi
sondern nor d'Wahlkampfkampagne vom Berlusconi.


Schlei: Hänsel und Gretel händ sich z'Zöri verloffe. Plötzlich sinds an äs freistehends Hus cho.
Ruben: ich ghörlike öppis, ich ghörlike öppis: Knusper knusper knäuschen, wer schiebt an meinem Häuschen?


Ivö: Es esch emol Prinzessin Döttige gsi, wiit im Land esch si bekannt gsi för eri schöne Füess.Einisch hät sie em Park de Frosch Klingnau troffe. Ond de hät zo ere gseit:

Helge von Andrea 2013 - Fusionskuss (Froschkönig)

Fusionskuss (Froschkönig) Helge: Andrea

Melodie: Goldeneye (Tina Turner)

Ha nor welle wösse, eb ich dech cha kösse,
eb du mech wörsch näh, mer din Stüürfuess gäh (Dörömdömdöm)
Du besch hinter mim Stürfuess her, (Dörömdömdöm)
met der hät ich jo nor es Kär (Dörömdömdöm)
Drom hau jez ab, mach schnell husch husch (Dörömdömdöm)
Bi der häts eh kein Sack Gold im Busch.

Ruben: Es hät emol en Diener gäh, de hät för sini Königin nach Näme gsuecht. Im tüüfe Wald hät er es Männli troffe, wo umes Füür tanzed hät. Ond dezue häts gsonge:
Andrea: Heute back ich, morgen brau ich, und übermorgen
Andrea, Schlei: Oberfläcke Style (Tanzen).

Helge von Taki 2013 - Rolltreppe nach Malmö (Die Malmöer Stadtmusikanten)

Rolltreppe nach Malmö (Die Malmöer Stadtmusikanten) Helge: Taki

Melodie: You and me (?)

Beesi: Es send emol 4 armi Randständige Tier gsi, wo weg vo diehei gange sind, zom ihres Glöck go finde. Sie händ sich of ehrem weg in Norde zuefällig troffe und beschlosse zäme Musig zmache. So sind sie of d'Stross go singe zom no meh Gspändli finde, wo sich irere guete Sach aschlüüsed.
(Klatscher: Tierlaute)

Suppe, Soife, Seeleheil,
mänge gspört halt nor d'Nochteil
mer send gern zo allne guet
well döt schöpfe mer eus Muet,
Kompromiss wä mer e kei
trouet nor of Gott elei

Aber zom of Malmö go
passed mer de Name ah.
Nor Armee tönt ned so geil,
nänned mers drom eifach Heil.

Schlei: Zom Sieg langt's ned!

Sammle ond ir Chälti stoh
Nüt chasch au dehei becho
Zero Points, en suure Stei
Bliebet mer doch grad dehei.
(Klatscher: Tierlaute)

Taki: Als Nächschts zeigemer usem Europäische Förder-Fonds für Gschichte alli letschjöhige Biträg. Das isch lediglich äs moderns Churzmärli:

Es war einmal ein Land am Mittelmeer
das hatte keine Mittel mehr.


Schlei: Es sind emol zwe Schwöschtere gsi. Die eint häd immer müesse Chrampfe ond die ander isch die lieblich Tochter gsi ond häd fascht nüt müesse. Amene Tag esch de Gschaffige Spindle in Brunne gheit ond ehri Stiefmuetter häd vo ihre verlangt dass sie de Spindle nachgumped. Ond so isch sie öber d'Wolke cho, wo de Schnee gmacht wird.

Helge von Ivö 2013 - Fall bei Spiel

Fall bei Spiel Helge: Ivö

Melodie: Major Tom (?)

Wär hoch flügt erlebt
en tüfe Fall. Im
Fall vom Felix B.
Grad usem All.
Plötzlich strudlet er
stabilisiert sich.
D'Ufregig isch gross
niemert rüehrt sich.
Doch, denn hät er's gschafft.
Eus nähmtis wunder
wie wär's usecho
hät mer statt ihm
en schwiezerski-fahrer gno
wär de abe cho?


Ruben: Es hät emol en Diener gäh, de hät för sini Königin nach Näme gsuecht. Im tüüfe Wald hät er es Männli troffe, wo umes Füür tanzed hät. Ond dezue häts gsonge:
Andrea: Ach wie gut dass niemand weiss, dass ich SRF heiss!


Andrea: Es esch emol d'Prinzessin Zurzibiet gsi. Sie häd gern Isebahne gha. Be ehre Taufi häd ä bösi Häx än Fluech öber sie gsproche, dass sie met wenn sie usgwachse esch muess stärbe. ä gueti Fee häd d'Verwünschig chönne innen 100 jörhige Schlof abschwäche.

Helge von Andrea 2013 - Bahnhöfe - aufgleisen (Dornröschen)

Bahnhöfe - aufgleisen (Dornröschen) Helge: Andrea

Melodie: S Lied vo de Bahnhöf (Mani Matter)

Das isch s'Lied vo de Bahnhöf,
wo sie s'Gleis gäng scho neu boue hei
oder noni weggno.
Und dört stöh Lüt im Schiewerfer-Liecht
wo tüend schaffe.

Melodie: dr Wecker (Mani Matter)

Sigs am Abe, sigs am Morge
De Lärm am Geisseweg isch starch.
Z'Nacht will d'SBB tuet schaffe
Tags wegde Muffle ihrem Gschnarch!

(Ruben: Rapunzel)
Schlei: Rapunzel, Rapunzel, lass dein Haar herunter.
Alle: Rapunzel, Rapunzel, lass dein Haar herunter.
Publikum: Rapunzel, Rapunzel, lass dein Haar herunter.
--> Confetti


Verkehrtes Wappen SVP / Bachelor / Doppelnamen (Schneewittchen)
Schlei: Spieglein Spieglein an der Wand, wer ist die Schönste im ganzen Land?
Ruben: Ja... Hallo erst MalÉ.ich weiss gar nicht ob sie's wussten, aber.. Ihr seid die Schönste hier. Aber Lorenze
Leutenegger, hinter den sieben Palmen, bei den 21 Damen ist noch tausendmal schöner als Ihr.

Helge von Beesi 2013 - Une rose, s.v.p.

Une rose, s.v.p. Helge: Beesi

Melodie: Coiffeur (Mani Matter)

Umschwärmt vo junge Dame hät de TV Bachelor.
Die Fraue gnau betrachtet, all vo hinde und vo vor.
Bis dass er eini usgwählt hät, s'isch Corinne Cam Müller.
Doch wenn's jetzt sötte hürate, wo niemsch de Name her?

Cam Leutenegger-Müller, Müller-Leutenegger Cam?
Lorenzo Müller-Leutenegger-Egger-Müll wär gnäm
Doch Doppelnäme chasch vergesse mit dem neue Gsetz.
Da chas eim ned verwundre staht emal es Wappe scheps.
(Letzte Zeile für Reprise:) Da isch's es riesegrosses Glück hät sie ihn no versetzt.

Ruben: Es hät emol en Diener gäh, de hät för sini Königin nach Näme gsuecht. Im tüüe Wald hät er ganz vel Männli troffe, wo met Schlüch umes Füür gspronge sind, ond dÕLüt wo zuegluegt händ, händ gsonge:
Andrea: Heute backen, morgen klauen, übermorgen Ross weg.

Bäbi: Ich wott jetzt s' Märli lose vom Asylbaba.
Beesi: Aber das esch doch eis us 1001 Nacht!
Bäbi: Komisch, ide Schwiiz bringt mer jo au i 1001 Tag keis einzigs Asylverfahre dure...

Taki:
Es het emol en junge Burscht geh, de het Asylbaba gheisse. A eim Tag isch er anen Ort cho, wo 70 Manne vorere Türe gschtande sind. Aber si hend ned ine chönne, will si s'Zauberwort vergesse gha hend...

Helge von Myrta 2013 - Asylbaba und die sebzig Räuber

Asylbaba und die sebzig Räuber Helge: Myrta

Melodie: A wimbaway (?)

Verenahof, Verenahof
Was machsch mit dem? Was machsch mit dem?
Verenahof, Verenahof
So leer isch eifach doof.

Melodie: In the Jungle (?)

Hindrem Bahnhof, ganz tüf in Koblenz, staht de Verenahof.
Siebezg Afro-, Nordafrikaner die chömed vo de Hoch.
Doch eeehhhr, wenn'd eus alli nöd.
Doch eeeehhr, tüend so saublöööd.

Melodie: Dr Sidi Abdel Assar (Mani Matter)

Debii hätted mer Goofe scho Vorschläg gha
mer mache drus en Indoor-Spielplatz, mega
of zweene Stöck, das längd.
Im Parterre hämmer dänkt:
Für d'Kurärzt gits de Nightclub Zur Verena.


Ivö: Da hämmer ja s'Problem vo de Asylante gar nonig glöst?
Schlei: Z'Bade hät's ja au no en leere Verenahof.
Taki: Isch doch eh egal, s'Problem sind ja ned d'Asylante, sondern dass mer Platz händ für sie.

Helge von Taki 2013 - Das tapfere Schneiderlein

Das tapfere Schneiderlein Helge: Taki

Melodie: Mer send met em Velo do (?)

Es Schniiderli esch tapfer gsi
ond es packt sini Köffer.
Es seit ich mach e grossi Tour,
s'esch halt chli en Blöffer.

ond Johre spöter luegt es zrug
of sini Tour de France
Sieben weg auf einen Streich,
mer gratuliert - Lance.

Schlei: Wenigstens hät er sis Velo no!
Zugabe:
Ivö: Es esch emol ä Stadt gsi die häd en leere Thron gha. Än arme Müller het gseit, er nemm de Poste scho. Well si i dere Stadt aber Demokrate gsi send hetts en 2 Wahlgang gäh.
Und wenn die Bürgerliche chli schlau send, denn esch de Huber usem Schneider.

Ivö: und wenn sin nicht gestorben sind...
Alle: Isch skandalös....






Zeddel 2013 als PDF


Spruch zu 3.1 Spruch zu 4.2 Spruch zu 5.3