Spruch zu 1.2 Spruch zu 6.2
   

Archiv 2015

2015: Znünipause

Einzug

Goofe-Melodie: De Herr Jöhri (Linard Bardill), aber etwas verfälscht.

Mer sind d' Oberfläcke-Goofe
Singed was das Johr isch gloffe
Mer sind d' Oberfläcke-Goofe
Wer än Seich häd gmacht
Werd nöm Ruhig chönne Schloffe.

Helge von Andrea 2015 - Standpunktproblem

Standpunktproblem Helge: Andrea

Melodie: Sailing (Rod Steward)

S'knallt es Riischiff, s'knallt es Riischiff,
in es ander's, da'sch de Wahn.
So nen Seich, grad in Basel
Züri hätti, en Hafechran.

Mina: Nei das chönd ehr so ned singe! Dä händs doch abbaut! Nomol zrugg an Afang!

S'knallt im Schiffli, s'knallt im Schiffli
Grüen und SVP händ Ambition.
Ofem Zogersee rutscht mer zäme
Seit mer dem jetzt - K.o.alition?

Helge von Andrea 2015 - TrennungsglŸck

Trennungsglück Helge: Andrea

Melodie: Atemlos (Helene Fischer)

Er Met em Porsche dor d'Strosse und vor Clubs vo de Stadt.
Mer händ vell glacht, doch sind ned för ois gmacht. oh oh,oh oh
Mer sind eifach z'änhlich und vor allem Du.
Händ beid en geile Körper und du/ich au äs Tatoo. oh oh,oh oh
Was das zwösched ois gsi esch, Videobilder, wo niemert vermisst
und jede Klick häd ois zeigt, wer zo Blödsinn neigt.

Mischalos d'Anja trainiert,
so werd de Porsche kompensiert.
En Body macht ned alles wett,
muesch au Usdur ha im Bett.

Anderswo, wie sit eh und je
De Prinz Charles hätt's langsam gseh.
D'Queen tritt ned zrogg, she is still fit.
Und Schottland macht met be dem Shit.

Helge von Andrea 2015 - Ziitlos

Ziitlos Helge: Andrea

Melodie: D'Zyt isch do (Casimir Meister, Josef Reinhart)

Zit bliebt stoh, Zit bliebt stoh,
D'Choblänzer wüssed nöd wenns uf de Zog müend goh.

Wer wott do, wer wott do,
No metem Zog go?

Wenn alli Auto fahre,
zom dänne Geld go spare,
in Choblenz häts kein Zoll,
drom esch de Fläcke voll.

Falle loh, falle loh.
De Mindestkurs häd muesse öber de Jordan goh.

Wer wott do, wer wott do
Ned go schoppe goh?

D'Angela findets toll
wird ehri Kasse voll.
Oisi Wirtschaft stod im Schilf.
Das esch Entwickligshilf!


Beesi: Oh, ich han mis Znüni vergesse!
Schlei: Wetsch vo mim Sandwich?
Beesi: Aber ich han Zöllibatie!
Taki: Du meinsch doch Zölliakie.
Ivo: Wetsch vo mim Joghurt?
Beesi: Nei, das goht doch nöd ich ha Latzhoseintoleranz!
Taki: Das heisst Laktoseintoleranz!

Helge von Andrea 2015 - Unverträglichkeiten

Unverträglichkeiten Helge: Andrea

Melodie: Marmelade, Garmelade (Jubla Koblenz)

Ivö: Histamine, Schlei: Gluteine, Andrea: Glutamate,
Ivö: Sorbit, Schlei: Sulfit, Janosch: Laktose.

Beesi: Sachharose, Ruben: Galaktose, Schlei: Grilltomate,
Beesi, Charlie, Schlei: Fänchel, Nuss, Salot.

Alle: Ohh, all die Bräschte, gänd eus de Räschte
Doch mer verzichtet ganz - of Islamintoleranz.

Helge von Andrea; 2015 - Schlag artig

Schlag artig Helge: Andrea

Melodie: Schacher Seppli (Ruedi Rymann)

De Papst Franziskus de het gseid,
meh dörfi Goofe schloh.
Doch wiä das nöchste Versli zeigt,
cha mer das falsch verstoh.

De Daniel Anrig de schlohd zue,
das chosted sini Stell.
De heilig Vater het z'spot gseid,
dasme nur die eigne sell.

Schlei: Mis Sandwich hät jo gar kei Fleisch dine!
Andrea: Debii weiss ich genau das dis Mami s'Fleisch immer direkt be Carna Grischa chauft.

Schlei: D'Conchita seid dadezue: Dös isch mer wurst!

Flora: Aber gäll Conchita, in Russland häsch als Transvestit en Persönlichkeitsstörig und döfsch drum keis Autobillet.

Charlie: Hashtag: Russland schüsst de Vogel ab.

Schlei: Dänn bini doch lieber öber anders, die känned ehr jo au.
Schlei: Spiegel, Spiegel ide Hand, wo git's die beschte Jobs im Land?
Charlie: Ich hoff das macht ned unbeliebt, ich wohne nöm im Zurzibiet.


WEF in Zurzi:
Melodie: Schwöschtere

Mer sind's Zuribiet und gönd chli as WEF
Well im Turismus send mer voll dä Chef...


WEF in Baden:
Beesi: Am Bsuech vom Türkische Minischterpräsident im Trafo fendi s'Beschte, das mer häd chönne s'Schulhusplatzbaustellechaos teschte.

Helge von Andrea 2015 - Einwegunterhaltung

Einwegunterhaltung Helge: Andrea

Melodie: Dene wos guet geit (Mani Matter)

Em Thermalbad göchts besser,
wär dä Sommer nochli nässer,
Doch je nässer de Verenespel-Sommer
desto grösser - de Chommer.
De einte nützt's, de andere schadets,
mached witter, schiffts au in Bäche,
denn es lohnt sich be Openair nüme
sini Zält abzbräche.


Konfetti Bucket Challenge mit Charlie
Ich nominiere dich. Entweder du zahlsch eus e Rundi oder du rührsch dä Chübel Konfetti über dech.

Alles Müller, oder was?

Melodie: Döt äne am Bergli (Volksgut)

Zom Gerigate hämmer
3 Versli genau.

Versli Nummer 1:

Quotefraue

Melodie: De Hans Jakobli und ds Babettli (Mani Matter)

D'Frau Sommaruga wott bestrafe
wer im Kader kei Frau lod loh schaffe.
Doch gwössne Fraue muess mer säge:
bim schaffe müend sie Chleider träge.

Doch zrogg zo dere weiche Quote.
Wie hoch sie si söll chasch errote.
So 30 % wär guet ersichtli
wer's ned hebringt, de schriebt es Brichtli.

Ä Quote chan z'Bade nor zelle,
wänn das de Wanner au dued welle...

Mina: Stopp, dä Wanner haue mer ned i Pfanne. Soviel Prässefreiheit muss sii.

Versli Nummer 2:

Schneemaa


Melodie: Like a Phonix (Conchita Wurst)

Schneemaa vom Johr esch
vierzäh: de Geri Müller.
Prangt er z' Arosa
am Festival als Schnee-Skulptur.
Cool si helft ned nor,
de Euro isch...

Mina: Stopp, uf das Niveau vom Euro lömmer eus ned abe.

Versli Nummer 3:

Ziitigsfluet

Melodie: Always look on the bright side of life (Monty Python)

D'Schwiz am Sunntig liest d'Schlagziele vom Müller (pfeifen)
De Patrick schriebt geg de Geri en Knüller.

Spöter chunnt no us,
es macht echli konfus,
Das alls chli anders esch, was esch passiert?

Es blibt chli näbulös,
wer esch jetzt do de bös,
chum esch öppis druckt, wird scho reagiert.

Am Mäntig neui Schlagziele vom Müller
Am Zischtig neui Schlagziele vom Müller
Am Mittwoch neui Schlagziele vom Müller
Am Donnschtig neui Schlagziele vom Müller...

Mina: Jetzt hämmer's dänn öppe ghört.

Alles Müller, oder was?

Melodie: Döt äne am Bergli (Volksgut)

Zom Gerigate hämmer
3 Versli genau
und ä keis esch fertig
so wie Tagesschau.

Schlei: De Bachelor seit dadezue: Es esch wies isch, und es esch nöd, wie's nöd isch.


Mina: Ich han es Znüniböxli gfonde! Do stoht Charlie droffe.
Alle durcheinander: Ich bin dä Charlie!
Charlie: Hey! Das isch miis.

Helge von Taki 2015 - Je suis Charlie

Je suis Charlie Helge: Taki

Melodie: Happy (Pharrell Williams)

Beesi: Je suis Charlie
Charlie: Ihr wänd alli Charlie sie, stönd a vorderster Front
Alle: Je suis Charlie
Charlie: und das nüt dehinder esch, simmer vo euch jo gwonnt
Alle: Je suis Charlie
Charlie: Irgend inner Näbestross, de Usschnitt guet, kein Flop
Alle: Je suis Charlie
Charlie: Aber ächti Fotis macht mer höt im Photoshop.

Helge von Andrea 2015 - Löcher in Containment im KKL Leibstadt

Löcher in Containment im KKL Leibstadt Helge: Andrea

Melodie: Schuemächerli (Volkslied)

Fürlöscherli, Fürlöscherli mer hänked dech do ue,
für d'Sicherheit im KKL
bruchsch Bohrlöcher dezue.

Kontaminiert isch's Zurzibiet, und vellecht bald no meh.
So Löchli chönd no gföhrli si,
d'Regierig häd das gseh.

Drum handled sie, schickt Tablettli und passt de Radius a,
vo eus her gar bes Afrika,
s'hilft au geg Ebola.

Mina: Händ ehr Jodtablette di hei? Publikum: Jo
Mina: Händ ehr Ebola? Publikum: Nei
Mina: Ebe.

Janosch: Meinsch das Iodzüg isch gsund?
Andrea: Secher so gsund wie da Züg wo d'Flora wieder mit gno häd! Hätts det ned mega viel Stabilisatore dinne?
Janosch: Ja, sie bruchts spöter im Läbe, demet sie als Schwiizer Staffette-Läuferin gnueg Stab-ilisatore hät.

Schlei: Oh, geil! Baby Bell Ð Chäs hani nöd gern...
Schlei (Mit Baby-Bell-Nase): Du, de Roby Williams esch gschtorbe.
Taki(Beesi): Nei, de Robin Williams esch gstorbe.

Helge von Mina 2015 - Club der Toten Dichter

Club der Toten Dichter Helge: Mina


Melodie: 17 Jahr, blondes Haar (Udo Jürgens)

85 Johr, graui Hoor, gsehn ich Sie vor mer
Martheli, schön ischs gsi - im Steiböckli be dir.

Melodie: mit 66 Jahren (Udo Jürgens)

Met ächli Hilf vo mine Fründe do gohts im Läbe uf
Du chasch din Huet a phalte, - Joe, das fallt ned uf
Dass Du mis Herz befreit häsch, vergässed das nie
So locker vom Cocker hättemer's gern öppedie.

Melodie: Vielen Dank für die Blumen (Udo Jürgens)

Danke HR för d'Figure.
Aliens gets nome dank der.

Melodie: Ich war noch niemals in New York (Udo Jürgens)

Doch das esch alles jetz verbi.
Merci Udo mer gsänd jetz ii,
müend oises Znüni ässe, s'zwoite mol Lütets gli.


Janosch: Oh passed uf do esch en Schnägg. Chom mer tüend en nocherutsche.

Charlie: #Artenschutz , #Einwohnerrat,

Helge von Andrea 2015 - Labibil

Labibil Helge: Andrea

Melodie: Chrücht äs Schnäggli (Traditionell)

S'fahrt äs Schnäggli
S'fahrt de Schnäggli
s'Bergli uf, s'Bergli uf
eimol zringseld ome,
zwoimol zringseld ome,
drümol zringseld ome,
s'brucht vel Schnuuf,
s'brucht vel Schnuuf.

S'Häd ä Fahne
e Schwiizer Fahne
am Velo?
nur am Velo!?!
D'Obrigkeit muess handle,
de cha doch ned so wandle,
i dem Groove,
i dem Suuf.

In Europa, in Europa,
esch jedi Form,
inre Norm
esch es z'logg,
Rüeft mers zrogg.
Wenns ned hebt, muess mers - zägg
ob Nuggi oder Schnägg
öppe die,
ussem Verkehr zieh.


Beesi: Ich han immerno Hunger!
Mina: Wetsch vom mim Sändwich? S'Brot isch glutefrei und es hät feine Salami drin.
Beesi: Nei ich iss kei Schwinnigs.
Schlei: Wieso besch Moslem? Oder Papierli-Jud? Häsch en öberhaupt gläse?
Beesi: Ich han en doch drümol glääse!!! Es stoht drin, Salami macht dick!
Schlei: Salamileikum.

S'11i

Melodie: Elfi-Glöggli (Schweizer Kinderlied)

Zurzach:
Selfie Glöggli lüütet scho, jetz esch Ziit zom hei zue go.
Mer händ no Zettel für die wo wänd, sofern er en Plaquette händ.
Schlei: e Goldigi!

Baden:
Selfie Glöggli lüütet scho, jetz esch Ziit zom hei zue go.
Mer händ no Zettel für die wo wänd, drom fölled eus di hohle Händ.



Zeddel 2015 als PDF

Spruch zu 2.2
Spruch zu 3.3 Spruch zu 4.1 Spruch zu 5.3