Archiv 2017

2017: Pok&eahute;mon GO!OF

im Moment noch der Platzhalter von 2016

Einzug

Goofe-Melodie: De Herr Jöhri (Linard Bardill), aber etwas verfälscht.

Mer sind d' Oberfläcke-Goofe
Singed was das Johr isch gloffe
Chasper: Send ehr alli doooo?
Goofe: Joooo!
Chasper: Judihui! Dänn chömmer jetzt aafo.

Chasper: Mer spieled das schnudergoofige Stuck, wo gheisst:

Kesbroblem Helge: Mina

Melodie: Dr Hansjakobli und ds Babettli (Mani Matter)
I dem Stuck spieled mit:
- De Hansjakobli
- und ds Babettli
- Und natüterli au d'Behörde

Dr Hansjakobli unds Babettli
händ mit em Chuchitaburettli,
es Spieli zäme gschpilt zum göisse,
"he he Frau Meier" hät das gheisse.

Es isch nid jede wie s Babettli
so harmlos uf sim Taburettli.
Drum lueget, dass wie Hansjakoppli
gäng eine undenufe toppli.
Für d'KESB - en Fall - zum interveniere,
Die Goofe muess mer främdplatziere.

Mina:Du, Chasper, jetzt isch emfall grad en Schlumpf gange im Bundeshus!
Chasper: Ja selbstvertürterli, jetzt hämmer en Ätschi und en Globi!
Mina: Pfff, nei, mer händ nor ein Noie! De neui Bundesrat heisst Parmesan.
Chasper: Verzäll doch kei Chäs.


Chasper: Mer spieled das lukrative Stuck, wo gheisst:

Bem Blattlus isch d'Luft duss Helge: Taki

Melodie: Schacherseppli (Ruedi Rymann)
I dem Stuck spieled mit:
- De Tschutti Chef Blattlus
- und soscht niemert.

Ich be de Blattluus Seppeli,
be überall verkehrt.
Ich foul ned, be ken Hooligan,
warum händ's mich dänn gsperrt?

Wie schliich ich jetzt is Stadion?
Wie verchleid ich mich am beste.
Mer kännt mich ned mit Chopftuech ah
und edelwiiser Weste.

Chasper: Fifafallera, Fifafalleglah, dä Blattlus Seppli muess jetzt gah, de nächscht Halunk esch morn scho dra.


Chasper: För d' Fasnacht empfehle mir folgendi Verhaltensregle:

Verhaltensregle Helge: IvIvö

Melodie: Uf de Schwäb'sche Eisebahne (Willy Reichert).

Sichtbarkeit heisst Sicherheit,
händs eus i de Schuel scho gseit.
Drom ghört au weg de Asylante
is Fasnachtskit e Taschelampe.

Und Gugge sind die wahre Helde,
bi Problem söllsch die be ene melde.
(ergend e Gugge ifüege) esch bereit,
doch isch das wörkli Sicherheit.

Ad Fasnacht gönd au Fraue gern,
ob Köln, Bade oder Luzern.
Für d'Sicherheit, s'lieht uf de Hand,
e armlängi Mindeschtabstand.

Chasper: Mer spieled das vorchristlich, heilige Stuck, wo gheisst:

Holl under em Chäfer de Mischt före Helge: Mina

Melodie: Hippi Bus (Dodo)

I dem Stuck spieled mit:
- Dä Bischof Vitus Hollunder
- S'Frässbalkemonster Penndrit Bajra –siert
-De Alt-Volkswägeler Martin Winterflintinskorn
-Und wär ächt no? Jawoll, ich de Chasper!

Er esch so heilig
ond list us de Bible vor.
Det findet er luuter alti Sache nor.
Wer mer wänn sött steinige,
- Zom d'Gsellschaft bereinige.

Er esch en christliche Wortlutmaster
ond macht äs Nöchschteliebi - Desaster.
Das esch Humanismus-Larifari
- s' brucht doch Liebi för alli!

De Viitus, bliebt wiit-us
als Prediger ganz en bsundere Fall.
De Viitus, holt wiit-us,
hinder ihm stoht niemmer, vorne Rauch und Schall.

Pimp mol die Bible, pimp pimp mol die Bible,
s'alte Teschtament, das muess mer emol striegle.
Pimp mol die Bible, pimp pimp mol die Bible,
för Friede.

Es isch schiiheilig,
stelled euch das vor,
VW hät de Abgastescht frisiert, letscht Johr.
Mer schicked sie is Land vom Pfäffer,
zäme mit ihrne Mischtchäffer.

Es ged ä Buess, es ged ä Buess,
vorne alles suber hinde use Ruess.
Ond will er muess, will er muess,
goht de Flint ins Korn, jetzt weder z'Fuess.

Pimp mol de VW, pimp pimp mol de VW

Chasper: Ah, denn esch es en BMW!
Flora: Also en:

Shippi Bus, Shippi Bus,
s'Fenschter esch dunde, linke Arm isch duss.
Shippi Bus, Shippi Bus
de Penndrit nähmt en - mit Handkuss.

Schlei (Penndrit): Was isch Unterschied zwüsched Donut Kaufmann und Stan Wawrinka?
De Donut brucht viel Gäld für of 20 min Titelsite z'cho und de Stan brucht nur - karierti Hösli!

Chasper: Als nöchsts chunnt das bewegende Stuck, wo gheisst:

Zug i d'Freiheit Helge: Birgit

I dem Stuck spieled mit:
-Zaihira met dä Baghira
-De Abdula und sini Trulla
-De Ali chund au, zäme met Chend und Frau
-D'Nurje, die Furie
-D'Fatima mit ihrem Maa
-De Aladin und die Wunderschlampe
-Sie gheisd Shakira
-Nur Zurzi: En Morgemuffel uf de Flucht vor de Fasnacht
-Ond d'Geiss Zottel oder ergend en andere Trottel

Chasper: Sind ändli alli doooo? Und die wo erscht chömmed, sind au scho do?
Goofe: Jooo!
Chasper: Bravo, Bravissimo! Das hät eue Chasper gern wänn er alli da sind! Grüseli gärn gälled! Also, dänn fanged mer grad a.

Melodie: Wo en Willy isch, isch au en Weg (Willy Vogel)

Wo en Wille isch, isch au en Weg,
Flüchtigi suechet ihn, das isch ned schräg.
Für d'Freiheit mümmer zäme stoh.
Chasper: Ganz schön nöch bitte.
Dass mer no meh Lüt chönd ineloh.

Gott sei dank isch d'Schwiiz so konstruktiv,
beschrittet anderi Weg als s'EU Kollektiv.
In Ungarn häts en Stacheldraht.
Au in Österich, stoht dä parat.

I de Schwiiz wird eim d'Ufnahm glinge,
sie müend nooor uf de Zug ufspringe.
Dänn d'SBBeee kennt kei Fremdehass.
Wer zaaaahlt, bechunnt - de Swisspass.

Schlei (Penndrit): Was isch Unterschied zwüschend emene Schwiizer und eme Usländer wänn er de Swisspass überchunnt? Ausländer: Woh geil, ich han en schwiizer Pass. Schwiizer: Mer gseht gar nömm das ich es 1. Klasse GA han und Iilääse goht so lang, dänn piepst no so blöd...
Chasper: Ja so günstig chunsch nie meh zunere richtige Piepshow!


Chasper: Mer spieled das chostspielige, tüüre, unbezahlbare Stuck, wo gheisst:

Zurzi türmt Helge: Mina

I dem Stuck spielend mit:
- Wassergebühre
- Parkplatzgebühre
- Landegebühre
- und natüterli au Schattegebühre
 
Melodie: Über den Wolken muss die Freiheit wohl grenzenlos sein (Reinhard Mey)

Oberfläcke, Geisseweg,
Beckenmoos oder Entwiese.
Parkiere wird zom Privileg,
dänn du zahlsch so riese Priese.

Im Tierpark muss es Reh-ha.
S'fehlt de Grund zum Fläcke fäschte.
Au förs Wasser wänds meh ha,
zom die lääri Kasse z'mäschte.

Aber fürs Thermi
dörf de Ufwand dänn gränzelos si.
En noie Wolchechratzer - söll he,
woher holeds die Batze - ich gseh,
en Scheich chämti z'Nacht mit em Jet,
wo sin Scheiche heile wett.

Chasper: Nacheme alte orientalische Sprichwort
Andrea: Scheiche müend bim Seiche erreiche, dass sie ned die eigne Scheiche preiche.

Chasper: De Zurziturm, so hoch wie dä vo Dubai, wärs viellecht doch! Guet, Schatte gäb er meh, aber wenigstens wärsch usem Näbelloch.

Chasper: Wänn Sie en Moment chönd warte, zeige mer eu das Stuck, wo gheisst:

En chline Augeblitz Helge: Andrea

I dem Stuck spieled mit:
- en unbekannte zurzacher Künstler
- und en blächschwätzende Polizist
Chasper: Mer fönd grad ah, wenn mer alles gfunde händ.

Melodie: Ballade vo däm wo nie zueglost het (Fritz Widmer)

En unbekannte Zurzacher Künstler esch extra uf Zöri well dert,
hät sonen Chaschte, wo sofort es Bild macht,
wänn eine ächli z'schnell verchert.
Ach, Santi, wieso gosch du so wiit und ziesch in Zöri dini Runde.
Ich wette du hettisch, wänd gnauer gluegt hettisch,
sonen Chaschte bem Bächli au gfunde.


Chasper: Zu de Wahle in Bade:
Es esch doch s'Gliche jedesmal,
die sogenannti Qual der Wahl.
Mer muess us ere Unzahl Grinde,
de eint passendi usefinde,
wo dänn bechleidet ers Mandat
sicher au schritteti zur Tat.

Egal ob liberal, ob Sozi,
Parteilos oder Chrischt.
Was zählt esch,
wer uf de Wahlresultatlischt
ned link ischt
sondern de Ober ischt.

Chasper: Mir spieled das usgangsfreudige Stuck, wo gheisst:

Bettflucht Helge: Mina

I dem Stuck spieled mit:
- En I- äh en Anwohnerrätin
- Konsumischte
- Natüterli au ich de Chasper

Chasper: Und jetzt wünsche ich all mine, liebe, herzige, schnuslige, purrlimuntere Fascht-nächtler, vo Herze mit Schmerze vo Zurzi/Bade noch Unterterze rächt viel Vergnüege.

Melodie: Heicho (Schtärneföifi)

De Schmusi und sis Gschpusi,
die wänd zäme of d'Piste.
De Schmusi wot go tanze
und de Gschpusi wot i d'Chiste.

Aha… so so…
s'esch ned so wien er dänked. (Finger zeigen)
Die beide bes am Morge früh
ned gege hei zue schwänked.

Isproooch, Isprooooch,
die zwoi söttet is Bett.
Chasper chasch mer hälfe
- das wäri furchtbar nett.

Chasper: Potz Holzöpfel und Zipfelchappe.Du rüefsch de Chasper schnell und scho esch er zur Stell. Was isch waseliwas?

Mina: Weisch, z'Bade werds ab em 4i krass. Do hetts ganzi Sängerhorde!
Chasper: Was? Z'Bade I de wiitte Gass isch es änger worde?
Mina: Nei, ich chan z Bade ned schlofe und vor minere Türe wird uriniert!
Chasper: Jo, ich bin au betroffe! D'Läde sind wäg de Baustell ruiniert.
Mina: Nei Chasper, es brucht Frischte. Es sind sovieli bsoffe.
Chasper: Gäll schad, d'Kiste isch nor bis am 4i offe.

Goofe: Bireschnitz und Haselnuss für höt isch us und schlussdibus.

S'esch skandalös
S'esch bodebös,
Aber s'esch wahr.
Gänz eus in bar.

Tratratrallala, Tratratralla,
wer will, chan jetz en Zäddel ha,
doch dänn send scho die Nöchschte dra.

Zurzacher Extra:

Andrea: Chasper, esch wörkli scho schluss? Ich wett ned grochse, aber e gueti Party esch mer öppis wert.
Chasper: Jojo, s'Katerfrühstück esch im Ochse aber chasch au grad so guet is Schwert.
Andrea: Hey Chasper, Zmorge gets doch au im Maier?
Chasper: Aber nei, dä Fasnachtsmoffel hät jo kei Eier!
Andrea: De wot sich sicher vor de Plakette drocke!
Chasper: Ond was gits bi dänn z'Schlocke?
Andrea: Jo Kaffi halt.
Er tuet en mit türem Hahnewasser pantsche!
Chasper: A chom, das esch z'komplifiziert. Mer gönd of Chlidöttige id Linde go brantsche.

Beesi: De Maier hät halt ned so vel Lüüt-wyl-er ade Fasnacht scho am halbi 7ni zue macht.
Bireschnitz und Haselnus do chunnt sogar en Kurarzt drus.

Zeddel 2016 als PDF